Главная Стартовой Избранное Карта Сообщение
Вы гость вход | регистрация 29 / 03 / 2024 Время Московское: 10093 Человек (а) в сети
 

Мотт дIабалар!

Тахан г1алг1ашта юкъе оалаш нийслу «Г1алг1ай мотт д1абоалаш латт, наха мотт харцахьа бувц, фуннаг1а даь а мотт дег1абоаг1аргбола оаг1о е

еза», аьле. Цу меттаца в1алла ший бала боацар а из дувцаш хул. Амма, мотт тоабара г1улакх шийгара д1адоладе лаьрх1араш к1езига ба. Вай уйла е еза из мотт дег1абоалабара массавар къахьега дезаш хилар. Мишта хьега деза вай къа?

Х1аравар ший дезала юкъера хьаволавела веза. З1амига долча хана моллаг1а а вай д1ахьийха х1ама д1алоац беро. Из бахьан долаш ц1енача г1алг1ай меттала хьеха деза бера д1ахьехаш дола х1ама. Бер деша а даха, дешарле яьккха йисте а даьнна, кхийча, цо харцахьа дош ма аьлланге а, цунна п1елг т1ахьокхаш хул вай. Цу хана хьокха безац бера п1елг т1а… Из п1елг т1ахьокха безаргбоацаш з1амига долча хана денз хьа1омаде деза бера деррига а г1алг1ай метта дешаш. Т1аккха мара х1ама хургдац цох.
Сога хаьттача Кхалсаг бера хиннача дийнахьа денз д1адоладе деза бера мотт хьехара г1улакх! Наьха хаттар хила тарлу, мишта? Цу хаттар жоп жоп лургда аз. Ше бувца мотт ц1ена нийсса бувца беза кхалсага. Лораш яхачох керахь доалла бер вай дувцар дика д1ахозаш хул.
Эггара хьалха, вай бер мотт 1омабе долалуча хана вай оал берага «мама ала», аьле, нани ала а ца оалаш. К1еззига д1ахо даьлча, хьех вай бера папа яха дош, дадий ца а хьехаш. Т1аккха нах д1а-хьа къастача хана оалаш дола «пока» яха дош хьалха доаккха вай царна, 1адика хийла ца а яхаш. Т1аккха к1еззига д1ахо даьлча оал вай, волле, дядя волча, тётя йолча г1о хьайна. Цига а доаладиц вай воти, даьци, наьци яха г1алг1ай метта уж хоза дешаш.
Фу даьд вайна, мичахьа кхача г1ерташ да вай? Фу даьд аьнна цу мама яхача дешал къег1а да нани яха г1алг1ай дош, е папа яхачул эшашаг1а да дадий яхар, е пока яхачул къег1а да 1адика хийла яхар. Е воти, даьци, наьци яха дешаш? Хоза дешаш ма дий уж, вай къаманна мара да а доацаш. Лораде мегаций вай Дала воашта деннар!
Х1ара нана декхарийла я, бер дунен чу даьннача дийнахьа денз, цунца къамаьл дувца. Лораш яхачох, вай шийга йист хилча духьала дош юха ца оале а, вай дувцар дика кхетаду бера хьаькъало. Вай дай кица да «Мотт ца ховча даьи-наьнеи беро на1аро яха «ц1икъ» 1омадаьд», яхаш.
Тахан дувцаш мо а доацаш, доккха зе да вай воай т1ехьенна дер, нагахьа санна царна из мотт нийсса д1а ца 1омабой. Тахан вайна воашта ца ховш вай дицдаь дукха дешаш да г1алг1ай метта. Масала: аз хетт цхьан сагага «Сурсат дохкаш тик йий укх юрта?» - Из фу мотт ба хьа, йоах цо сога. - Т1аккха хетт аз: «Хаьси соми бохкаш йий укхаза тик?», из дикаг1а кхетарг догдоахаш. Амма, из а фу яхилга да ханзар цунна. Цигга хайр сона из саг ц1акхаьчалга, цундар чакхдаьннад.
Тахан вай бераша мотт харцахьа бувц, шоана хьашт дале, дукханеша эрсий мотт мара а бувцац. Х1ана? Вайна воашта дика ца ховндаь. Ах г1алг1ай, вож бисар е эрсий, е 1арбий, е тюрский дешаш юкъе долаш бувц вай. Из у да вай къамах лета.
Вай ноахал д1адаьлча, мотт д1абалар кхераш ва со. Х1ана аьлча, берашта хац шоай къаман – г1алг1ай мотт! Юха а ях аз, из къамах лета доккха лазар да.
Жи, дукхадахаш, дог ца а эккхаш, 1омабе шоай берашта г1алг1ай мотт. Дешийта царга г1алг1ай меттала. Царна деша ца хой, оашош деша, царна д1а а хозаш. Цхьа дош цар д1алоаце а дика да.
Дала к1ала ма бутулба вай къаман мотт!

Хьарпхой Илез!

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

© 2007-2009
| Реклама | Ссылки | Партнеры