Главная Стартовой Избранное Карта Сообщение
Вы гость вход | регистрация 28 / 09 / 2021 Время Московское: 3983 Человек (а) в сети
 

Марша йоагIийла хьо, ишкол!

Август бетта массаза а, даьй-ноаной шой бераш кийчдеш хул ишколе дахийта, ишкол а хул бераш т1аэца

кийчлуш. Дукхаг1йолча ишколашка ремонт х1анз а чакхяьннаяц, бакъда, Сипсой-г1алийт1ара № 4 йолча ишколе, бераш т1аэца кийча яй.
Шедарг къаьга дар, кинижкаш берашта парташта 1одехка дадар. Х1ара хьехархочо бехктокхаме кийчъяьй ший кабинет. Школах б1аргтоха со йийхаяр цу ишколе дийша баьннача Ефремова Эммас е, Харламова Ирас е. Уж баьхкабар вай мехка шой гаргара нах болча, цар хьалхара г1улакх дар – ишколах б1аргтохар.
Чакхдаьннад сала1ара денош, уйла е езаш дукха да берашта ишкольни барзкъа тегийта деза, портфелаш, тетрадаш эца деза, шой 1омадаьр кердадаккха деза.
Орджоникидзевский №4 йолча юкъера ишкола администраце ремонт е лаьрхар дешара шу чакхдоаллашехьа. Кабинетий корагара к1адаш хийцад, цига эхкай жалюзеш. Масса кабинеташка стендаш эхкай «Берий бокъо» яхаш.
Ялхайтта шу да ишколе берий сала1ама лагерь йола, укхаза сало1аш хиннаб ши б1аь шовзт1къа итт бер. Нальчике сала1а дахийтадар «Зрзи», «Лок» яха лагерашка кховзт1къа пхийтта бер. Шой дего къоабалдеча даха йиш йолаш да вай бераш тахан. Ишкола чухьнахь хьаяй берашта ц1ено е моттиг, х1анз ара ада дезаргдац берий.
Даьй-ноаной ч1оаг1а раьза ба ишкол тоаеш баьча белхах, цар баркал оал из болх д1ахьож новкъостал даьчарна. Д1аьхача ахкан, бераш лагере мел дола, болх беш хиннай столови. Берашта д1айха а, мерза даар кийчдаьд столови болхлоша. Ишкола коллектив ч1оаг1а шоайла барт тайна я. Шовзт1къа процент хьехархой, укх школе дийша ба.
Дукха къахьийгад, хьехархой колективо, хьалха шой кулгалхо Ольга Евгеневна Калиматова йолаш, бераш ишколе хьадаьхкача: «1алаьлай! Ма хоза, ц1ена я укхаза.» - аргдолаш. Укх ишколе дийша дезт1къа процент бераш дикаг1йола вузашка, колледжашка деша эйтаб. Бераш мишта деш хьажа, даьй-ноаной ух ишколе.
Ишколе хьайийла з1амига ши музей я «Берий кхоллам», «Прометей» яхаш.
Укхаза хьа мел даьр, бераш шой кулгашца даьд. Берашца уллув хиннай кхетамца кхевар даькъе (оаг1орахьа) завуч Оздой Мусай Тамара.
Бераш сацатувш хьежаш да цхьоалаг1а сентябрьга, царна хов ишкола хоза, ц1ена хургйолга. Дикача наькъа т1а хилда шо!
АУШЕВА Марем
Сердало

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

© 2007-2009
| Реклама | Ссылки | Партнеры