Главная Стартовой Избранное Карта Сообщение
Вы гость вход | регистрация 29 / 03 / 2024 Время Московское: 10152 Человек (а) в сети
 

1оахар-наькъан Чхьаг1а ваьча денна хетаяь семинар

Укх шера май бетта 14-ча дийнахьа Г1алг1ай 1илма-тохкама институте д1айихьар 1оахар-наькъан Элмарза во1 Чхьаг1а ваь 163 (б1аьи кховзткъеи кхоъ) шу дизара хетаяь семинар

. Цу семинаре Чхьаг1ий вахарах а кхолламах а йола докладаш йир 1илма-тохкама института болхлоша а иштта Г1алг1ай паччахьалкхен института аспирантка йолча Зовра-наькъан Танзилас а. Докладчикаша довзийтар гулбеннарашта Чхьаг1ий вахар, цул совг1а цун кхоллама цхьаццайола оаг1онаш, 1илманхочун ший философски, общественно-политически, экономически ийлаш, цун этнографически йоазоний мах.
Х1аране ший къамаьле белгалдора, мел боккха мах болаш да цо гул а даь д1аяьздаь г1алг1ай къаман фаьльгаш, оаламаш, наьртех дола дувцараш, иштта цо ше даь этнографически йоазонаш. Цу йоазонашка 1илманхочо белгалйаьй г1алг1ай къаман керттера оамалаш. Доккхал а деш яьзду 1илманхочо г1алг1ай къамо лора а деш леладеча 1адатех. Царех да хьаьша т1аэцар, цун хьашташ лорадар, из ше лоравар, наха юкъе нийсхо лелаяр, къамашта юкъера доттаг1ал леладар, иштта кхы дуккха дараш а.
Иштта х1ара докладчико белгалдир Чхьаг1а ший къам дезаш, цох дог лазаш хилар, цун хьал тоаде г1ерташ хилар. Дог делхаш яьзду этнографо г1алг1ашта ялат д1аде а доахан доажаде а лаьтташ тоъаш ца хиларах, д1аде лаьтташ цахилар бахьан долаш гурахьа чуэца ялат дезал кхаба тоъаш ца хиларах. 1илманхочоа хетачох, уж лаьтташ цатаар да г1алг1ай къам экономически ч1оаг1а т1ехьдиса хилара керттера бахьан а. Чхьаг1а ч1оаг1а дог доахаш хиннав Россе новкъостал дергхиларга г1алг1ай къам кхыча къамашта экономически д1ат1ехьакхедеш. Цудухьа цо г1алг1ай боккха толам лоарх1 уж Россех д1акхетар а Россеца шой вахар цар дийза хилар а.
Гулбеннараша массавар раьза а волаш къоабалдаь т1аийцар х1анзчул т1ехьаг1а х1ара шера Чхьаг1а ваь ди дездеш тайп-тайпара мероприятеш чакхйоахильга. Вай республика хьакхайкаяьча хьалхарча шерашка из долаш дар, х1анз т1ехьаг1о дицденна мара. Из традиции юха хьадийнъе еза аьнна лаьрх1ар 1илма-тохкама института болхлоша. Х1ана аьлча, цунна нийсса веце, цул т1ех 1илманхо вац вай къаман таханарчад ийнахьа, х1аьта, цул совг1а, г1алг1ай къам, г1алг1ай къаман хоза г1улакхаш, дика оамалаш, цун къоарга ма1ан дола 1адаташ дунен т1а дахача къамашта д1адовзийтара цо миссел къахьийга а цун миссел из караг1даьнна а кхы нагахьа саг вац г1алг1ашта юкъе, йоахар семинаре къамаьл даьраша.
Иштта укхаза гулбеннараша белгалдир Чхьаг1ий кхоллам эггара хьалха хьагулбе безальга а. Из деша ваьг1ача а цул т1ехьаг1а болх беш хиннача а моттигашка хьажа деза вай цо даь йоазонаш дисадий а, газеташ т1еи журналаш т1еи уж дий а, йоахар къамаьл даьраша.
Иштта ч1оаг1а лоарх1аме да Чхьаг1ий кхолламах дола тохкамаш – рефераташ, курсовойи дипломнии белхаш, диссертацеш – дукхаг1а хилар а.

Ноакастхой Хаваж

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

Комментарии

Сб, 25/05/2013 - 22:47

Дерриг ца яьздой а, дукхаг1 мел дар яздори бакъахь дар вай меттал

Сб, 25/05/2013 - 22:42

А как приятно читать-то)

Пт, 24/05/2013 - 21:47

Наконец-то на ингушском! Ма дика бох ба-кх оаша г1алг1ай метта цхьа запись я!

© 2007-2009
| Реклама | Ссылки | Партнеры