Главная Стартовой Избранное Карта Сообщение
Вы гость вход | регистрация 28 / 03 / 2024 Время Московское: 8939 Человек (а) в сети
 

Сакъердаме дувцараш ЦАГЕНА ДОГІАГА ВОШАВАЙТА МОЛЛА

Цк-ьа ч1оаг1а дог1а делхача дийнахьа уйчен к1алхара арахьежаш латтача Цагена б1аргавайнав дог1ах воша ца вайта г1ерташ удаш воаг1а молла.

- Ва молла! Ада х1ана уд хьо, шортига хьалва мегаций хьо, бер а дац хьо ада? - аьннад Цагена.
- Ай, се т1оада ца вайта уд-кх.
- Ай, дагадаг1аций хьона Іайха дог1а - Даьла беркат да Даьла беркатах ада мича мег, ва молла.
- Хьо бакь, даьра, лув, - аьнна, шорттига чувахав молла.
Иштта дог1а делхаш ха ц1аькха а енай. Уйчен к1ала ла
моллана б1аргавайнав дог1ах к1алхарвала г1ерташ удаш воаг1а Цаген. - Ва Цаген, сенах уд хьо? - аьннад Цаген т1оадавайта г1ертача молла.
- Даьра уд, ер сона Іот1аделхар Даьла беркат доландаь, укхунна к1езигаг1а когаш т1абеттар духьа.
Кхы питамах х1ама а ца хинна, молла кхы йист ца хулаш сецав. Х1аьта Цаген удаш ц1авахав.
ЦАГЕНА ДАРБА
В1алла а ший мараца барт товш хиннабац цхьан сесага. Мара дика а воа дика а во а дот аьлча, сесаго кхоъ юха оалаш хин¬над. Маро саца аьлча, бокъонца дов доаккхаш хиннад сесаго. Иштта дешо дош доаккхаш, кастта геттара айхьазабаьннаб уж.
- Сенах баьлар вай из кьовсам? - аьнна, маро хаьттача, бахь-
ан дагадоаг1аш деце а, кьовсам кхы а к1оарглуш хиннаб.
- Хьо ва-кх, къавеннар, в1алла а соцаргвоацаш, цхьанна х1амах а тоам хургбоацаш, - оалаш хиннад сесаго.
- Хьо да-кх дунен шайт1а, - яхаш, т1ехьашка воалаш хин-навац мар.
Водачоа а воаг1ачоа а д1ахозаш хиннай цар г1араш. Лоала-хой а сатем байнаб.
- Цаген волча г1оялара хьо, цо хьеха мегар хьона шун барт
хургболаш йола молха, - аьннад сесагага цхьан дийнахьа цар
г1араш геттара к1ордаяьча лоалахочо.
Йолаенна шоллаг1ча дийнахьа Цаген волча а яха, г1улакх ше ма дарра д1адийцад сесаго.
- Мегаьд, - аьннад Цагена, - дика дарба хьеха хьожаргва со
хьона. Аз яхар 1а кхоачашдойя, кастта барттовргба шун. Укх
кхабилга чура цхьан гаьнарча мехкара ена «сабара молха »лургья
аз хьона. Мар хьайга ле ма воламавеллинге, укх чура цхьацца
къург бергба 1а, из саццалца молха хьай бага а лоаттаергья 1а!
Цу г1улакха ч1оаг1а раьза хинна, Цагена баркал а аьнна, кхабилг а ийца, ц1аяхай сесаг. Ни1 а йийла, из ц1аг1а д1ачуйоал-лашше, цунга ле волавеннав мар:
- Мича лел хьо? Даа х1ама а х1ана дац, мала х1ама а х1ана яц?
Цунна духьал х1ама а ца оалаш, шорттига д1а а йийрза,
шийна Цагена еннача «молхах»кьург баьб сесаго. Цо питана духьала х1ама ца ал арах цец а ваьнна, тийнав мар. Цох сов г1адъяха, сиха даа-х1ама кийчде эттай сесаг. Цхьабакъда, сов сихъяларах, бера пишка 1оакьинг 1ойожаяьй цо. Из бахьан до-лаш юха а ле волавеннав мар.
- Уж ши кулг юхмаччахьа да хьа! - аьннад цо.
Цо дувцар шийна хьалха мо новкъа дале а, д1айийрза юха а Цагена еннача «молхах» къург баьб сесаго. Сесаг юхайист ца хиларах шек а ваьнна, кастта юха а тийнав мар.
Цу хана денз, Цагена ма аллара, мар ле волавелча, сесаго «молхах»къург бегл хиннаб, вож соцаш хиннав. Цу тайпара ка¬стта барттайнаб цар.
ДАС ХЕРЖА НУС
Цхьа да хиннав гний во1а саг йоалае г1ерташ. Шийга дас йоалае яхача йо1а раьза хиннавац во1. Иштта из къовсам а бо-лаш уж лелача хана, да цамогаш а хинна, вежав. Унахочунга хьажа нах ухаш хиннаб. Фу дуаргда 1а, фу деза хьона, - аьлча: «Цхьаккха а х1ама дезац, дуача х1аманца чам бац сона», - оалаш хиннад цо. Цхьан 1уйрийна во1ага аьннад цо: «Сийсар г1а дайра сона, маькх еча оаркхо чу юхебиса боалла миста бод биаь се тоавенна. 1а сона из бахьаре, тоалургвар со».
Удаш вахав во1 дас шийна йоалаергья яха йо1 йолча. Ше бена никъ цо д1абийцача йо1о аьннад цунга:
- Оаха-м тхоай г1улакх даьлча дила а диле хьалъол оаркхув,
тха оаркхох—м баллац хьона миста бод.
Удаш вахав из ше дог доаха йо1 йолча. Цига цо ше бена никъ дТабийцача, йо1о жоп деннад:
- Укхаза ба бод-м мел беза а, 1а диг ца дахье ах баккха хала
хургболаш ч1оаг1а а болаш.
Миста бод бахьаш ше ц1аг1а хьачувоаллашехьа аьннад во1о даьга:
- 1а-м сога ма йоалае ма яхарий аз дог доаха йо1, хьо сона йоалае г1ертар йолча со вахача, царцига ба а боацаш, аз дог доахача йо1о белар сона ер бод.
- Цудухьа яхар аз хьога из ма йоалае, - аьнна хьаг1еттав ше цамогаш воаццашехьа вижа илла да. Т1аккха хайнад во1а а из йоалае мегаргйоацилга. Дас йийца йо1 а йоалаяь ваха хайнав воккхача сага во1.
КХО Б1АР
Цкъа кхийна во1 а волаш йолча сага маьре яха догъэттад. Из шийна д1ахайча ч1оаг1аг1а дола кхо б1ар а леха во1а аьннад:
- 1а ераш кхо б1ар бага а делла дохадой аз маьре йохийтар-гья хьо.
Х1аьта йоккхача сага бага цхьаккха а церг хиннаяц. Уж йоаццашехьа а бага а дехкаш, б1арех г1ертадаь ший долаш до-хадаьд сесага.
Ца1 дохадича-м шиъ мара дисацар укхаза, - яьхад йоккхача сага.
Кийчъар ДЗОВР-НАЬКЪАН Аза
Сердало

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

© 2007-2009
| Реклама | Ссылки | Партнеры