Главная Стартовой Избранное Карта Сообщение
Вы гость вход | регистрация 29 / 03 / 2024 Время Московское: 8962 Человек (а) в сети
 

Къаманна хетадаь вахар.

"Нанас ма волва цхьалха цхьа к1ант,Вича ма вахалва яхь йоаца к1ант!"(Г1алг1ай багахбувцам) Дукха тохкамаш даьд Матиев 1аббаса Уциг Малсагах дола бакъдар гулдеш.Д1ахо кепа тох цо иштта къахьегаш гулбаьч белха.Хетаргахьа ший къам дезаш,къаман эздий къонгаш бовза безам болча сага ч1оаг1а тоам хургба цох лаьца дувцар дийшача./ Дар 1825шу,из яр Кавказе Российски импери шийна ма-хетта чуенна,мога 1азап цига дахача з1амигача къамашта т1аоттадаь ха.Къаьстта доккха туржа1 т1аоттадир цу хана нохчий мехка (е)рмолов яхача къизача инарало.Александр яхача импертора вайтавар из1818шера Кавказ шоашта товчча тайпара караерзае а,Юхерча Малхбоалехьа шоай доазув д1ач1оаг1де а лаьрх1а.Доккхий т1емаш лоаттадир цу замалахь Россена духьала Даькъастен чу бахача наха шоай кортамукъале бахьан долаш,къаман денал долашаг1бола къонгаш хьалха а баьха.Иштта хьалха льттарех вар нохчий эбарг Таймиев Бей-Булат,черкес Казбич,цар зама йисте яьнна шу дар из къизача моастаг1ашта духьал латаш уж ба а бовш.Цу деношка Заур Ков яхача г1алг1ай юрта Долга наькъан Уцига коа доахаш кхааш дар к1аьнк ваьв яхаш,з1амигача г1алг1ай къаман дилла а хиннаб к1аьнк вар кхаа.Малсаг аьнна ц1и тилай цунах К1аьнк з1амига волча хана денз х1амах са кхувш а,унахц1ена а хиннав.Хийла ший ханага хьажа доацаш тамашне х1ама деш хиннад цо,т1аккха оалаш хиннад коарча наха,саг хург хилар белгало я из,вай даьша яхад:"хургдола хьазилг б1ена 1ахад".Геттара хьалха Буро т1а гимназе деша а хоаваь дас,из йисте яккхай цо дика а дешаш.Цул т1ехьаг1 Санкт-Петербурге т1ема г1улакх 1омадеш дийшад Малсага.Дукха тамашне хабараш а,хоза иллеш а да цунах дувцаш г1алг1ай багахбувцам т1а.Царех цхьадараш довза таро хургья шун укх очерка т1ара.Кавказе хиннавац цу замалахь Малсагага кхоачаргволаш къонах.1алаьмате хоза сибат,дег1-кеп долаш саг хиннав из.Цун юкъ хиннаяц шин бе йолалла мара,бакъда белажа-м ши эрш шера хиннай.Т1абувха г1ирса а наьхачул вог1а хулаш хиннабац.Мехка ц1и хеза,цхьа моллаг1а йола говр хаьхкача мара т1ехьа кхувргйоацаш йорг1а хиннаб цун т1аваг1а гила.Малсага ханнара а волаш,хьалдолча ц1ен а волаш цхьа х1ире хиннав цу замалахь Махьмад яхаш.Ч1оаг1а къа хьегаш хиннад цо Малсагаца нийсвала г1ерташ,бакъда из цунга кхача гаьна хиннав.(д1ахо шоашт гудда шоан)

Вы можете разместить эту новость у себя в социальной сети

Доброго времени суток, уважаемый посетитель!

В комментариях категорически запрещено:

  1. Оскорблять чужое достоинство.
  2. Сеять и проявлять межнациональную или межрелигиозную рознь.
  3. Употреблять ненормативную лексику, мат.

За нарушение правил следует предупреждение или бан (зависит от нарушения). При публикации комментариев старайтесь, по мере возможности, придерживаться правил вайнахского этикета. Старайтесь не оскорблять других пользователей. Всегда помните о том, что каждый человек несет ответственность за свои слова перед Аллахом и законом России!

Комментарии

Довт Сб, 23/05/2009 - 17:40

Геттара совяъннай Малсагацара Мхьмада яхь Кундухов Мусий йо1 кхийча.Из шийна йига г1ерташ хиннав из,цхьабакъда, Малсаг дийна а волаш цунга мара кхыча сагага г1оргйоцаш,из везаш хиннай Мусий йо1.Цу хана Кавказе дахача къамашта юкъе цхьацца къовсамаш-ловзараш хиннад кагий нах в1ашаг1а а кхийте леладеш.К1алтохарга латаш,халхар деш,говр хоахкаш,говр хьовзаеш хиннай,цу массдолча ловзарах Малсагаца нийсвала могаш саг хиннавац.Ишта ер вахаш арг1а т1акхаьча доахан 1улга ваха хиннав Малсаг.Ди делкъийга а кхаьча доахан маша а оттадаь сало1аш волча Малсага хезаб елхача кхалсага узам.Ер юртагахьа 1охьажача б1аргкхийттаб укхан хьалйоаг1ача вордах,кхалсаг т1а а яг1аш.Т1а а ваха аьннад Малсага:"Х1ана елх хьо?"Вокхо жоп деннад:"Даьц1аг1ар йог1а со,да а вежарий а бац са,сона етт бала са наьна таро а яц(г1алг1ай 1аьдалах дилла а хиннад хьалха д1аьц1а яхача йо1-йишийна етт бала безаш).Цудухьа елх со",-аьнна.Чехка 1ула д1аюкъе а ваха шоай дикаг1бола етт хьа а лаьца,из ворда т1ехьа а бийза ц1аяхийтай цо из,х1анзчул т1ехьаг1а сох хьай воша ларх1а пурам да хьона,-аьнна. ...Наьсарерча цхьан саго говр ийцай черсашкахьар пхи етт а бенна.Ч1оаг1а аьрдаг1а ды а хиннаб из.Из хахка а,из хьовзае а вухьаш саг хиннавац.Хазад Малсага х1анз доаг1ача ерача дийнахь 1абе-гувна юхе Наьсар-керте говраш хоахкаш моттиг а я,хьалхара моттигаш яьхачарна кхаьннега кхаччалца лаьрх1а совг1аташ а да аьнна.Дика кеч а венна шийца новкъостий а баьха цига вахав Малсаг. Сигала хьалкхесса кий лаьтта йожаргйий- хьог1 алалла дукха гулденна адам хиннад цига.Хьалхар моттиг яьккхачоа дилла совг1ат хиннад т1акхувлла фертеи,дошоцеи дотоцеи кхаьла шалтеи.Шоллаг1а моттиг яьккхачоа дошоцеи дотоцеи кхаьла т1он,мулг1а дола нувр.Кхоалаг1а моттиг яьккхачоа иштта кхаьла йола дирст.Говраш хаьхкача а,говр хьовзайича а котало яьккхай Малсага.Из болх хаза цига баьхка Кавказе дахача къамег1 нах хиннаб:гуржий,черсий эбаргаш а хиннаб цига.Т1а а ваха хаьшашка моаршал а хаьтта,хьалхе а йист ца хиларах бехказа а ваьнна,аьннад Малсага эбаргашка:"Шо арахь лелаш нах да шоай ло1амаг1 а доацаш,шоана эшар лаха хала да,теза а ца хеташ оаш д1аэцаре ер сайна кхаьча совг1аташ лургдар аз шоана.Баркал а аьнна,цунна а из мо к1ант кхеваьча къаманна а совг1аташ д1аийцад эбаргаша.Цига хьа а йоалаяь,юстаро,цунах лоарх1а ца вараг1 цхьаккха саг юхе а ца водаш,латташ хиннай черсашкахьар йоалаяь говр./д1ахо...

Довт Вс, 24/05/2009 - 18:45

Т1аккха наха аьннад Малсагага:"Из говр караерзае ялара 1а".Наьха юхьа,ваха хьаястай цо из говр,х1анз а шийх эмалка г1улакхаш доахкаш хиларах къовла ма могга хиннай из.Говраш хьовзае лаьрх1а кийчъяьча моттиге хьат1а а йоалаяь т1ахайнав цунна Малсаг,говр г1атта г1арташ мо д1а иккхай,дика 1от1а а ч1оаг1венна дихьа а сихьа а йоаккхаш шод техай Малсага говра.Дизза говр хьовзаелга чакхдоалаш хилча баьречо лораде дезаш дукха г1улакхаш хиннад:говр хьаерзача хана оаг1ора ца воалаш,к1алхара чокхий хьа ца доалийташ,гонахь латтача наха говрага новкъарло ца яйташ.Юхера а биъ-пхиъ го баьккхачул т1ехьаг1а дика шод а теха тхьужага кхача пхийтт дол дисача хана юха а эза сацае езаш хиннай из,яьча белгалол т1ех а ца йоалийташ.Т1ехьара из болх чакхбоаллаш шод теха хьала а хаьхка тхьужага кхача итт дол дисача хана юха эзай цо из,кхы моллаг1а йола говр ше соцаеш хиннача тайпара.Цунаг1 г1улакх хургдолаш хиннадац,цигга низ т1абахийтаб Малсага дирста говнашка"ткъанг"-аьнна юкъ а ювш цу белгалон т1а из 1ат1а а юллаш.Цига ч1оаг1а са а къийрда,из г1улакх в1ашаг1 деллача сага баркал а аьнна,шо-шоай ц1абахаб нах.Дикка ха яллалца кхы дувцаш х1ама хиннадац наьха Малсаг мара.Иштта кхы а лакхденнад цун сий наха юкъе.Цу замалахь ч1оаг1а ц1и хеза хоза йо1 хиннай цхьан черси аьлан.Дика мегаргболча кагийча наха хьоадаь дукха зоахалолаш а хиннад цунца,кхы цо цхьаннена а жоп а ца луш латташ,кхувргда маьрел де яхаш.Юхера а дас аьннад йо1ага:Доккха той а даь нах т1ахьеха воал со царга хоам а беш,сай йо1о цу дийнахь белгалваьча сагага из маьре йохийтаргья аз,-аьнна,-кийча хилалахь хьаьший т1аэца".Чехка из хабар д1акхайкадаьд аьлано шоацига нах хила беза ха белгала а еш.Из г1улакх хазад Буро т1а вахача Уциг Малсага а,Махьмада а.Ший наьнагара пурам а дийха дика кеч а венна ваха араваьннав Малсаг Черсий мехка.Из наькъа ваккха араяьннача нанас аьннад во1ага:"К1аьнк,еррига Кавказерча къаман нах ба хьона уж цига гуллушбараш,дукхаг1бараш аьлий къонгаш а хургба, хьо корта мукъача къаман,мискача наьха во1 мара вац,хьай къаман а,хьай даь-наьна а сий лораделахь!"Со сайха б1убенна,айса доккха х1ама дергда аьнна хеташ водаш а вац,мохк в1ашаг1кхийттача г1алг1ашкахьара цига ва саг хиланзар аьнна наха ца хетийта,къаман яхь бахьан вода со.Дала ца дайтар цхьаннега а дулургдац,могар дергда-кх аз а.Иштта жоп денна шорттига говра д1айолаялийтай Малсага .

Довт Пнд, 25/05/2009 - 20:24

Ваха ер д1акхаьчаца аьлан коа гуллуш латташ нах хиннаб.Духьал баьхкача фусам даьша ч1оаг1а везваь моаршал хоатташ т1а а ийца,дын т1ера воссаваьв Малсаг,т1аккха мичахьара ва,малаг1ча къаман ва а хаьттад.Шоаш 1оховшача хана г1алг1аш эг1е-маг1е мишта лораю ховш болча наха шийга маг1а вала аьлча,воккхаг1а вола цхьа саг эг1а а волаш 1оха тигадац цо.Х1а аьнна 1оховшехь б1арг кхийтаб укхан ши-кхо г1анд эг1а 1оховш воаллача Махьмадах.Тхьамадагара пурам а дийха 1о эг1а а ваьнна моаршалца Махьамадага йист а хинна,ше ваьг1ача 1оховаьв цо из,цу чу баг1ача наха шоаш бовзаш болга а цхьан шахьар чура болга д1а а хайташ.Из г1улакх а наха гарга хоза сийлахь хиннад Малсага.Цу сахьате шу оттадаьд хьаьшашта.Шийна гонахь баг1ача нахага хьожаш,шийгара хоза г1улакх д1ахьокхаш,эздий ваьг1ав Малсаг шун т1а.Тхьовре чу а ена шийца мехкарий а болаш,хьашашта фу эш а хьожаш уж зе а зувш латташ йолча аьлан йи1ий б1арг т1аэттаб Малсага.Х1ама диаь а баьнна г1улакх даь наха хоза баркал а аьнна мукъа балийтаб хьаьшаша.Цу сахьташке доккха ловзар эттад цига.Арг1а т1акхаьчай Малсага,лакха йолаеннай г1алг1ай халхара йиш,волавеннав ер халхвала 1алаьмате хоза ког шоршабаь,шийца халха йоалаш латтача йо1а мелла а юхе д1ат1а вахараг1 кхы меттале чокхе 1ерж а д1а ца хьокхайолийташ,иштта эздий халхар а даь 1охайнав Малсаг.Халхар йисте даьлча дой хьовзадаьд хьаьшаша,цига а хьалхара моттиг яьккхай Малсага.Бийса аьлан коа яккха езаш хиннай,из а хиннад ч1оаг1а лоарх1аме г1улакх.Т1ера чокхий,иккаш мара д1а ца йохаш метта ваьннав Малсаг т1ехьара бувшачарца. Ч1оаг1а к1аьдбенна хилараг1 цу сахьате тхьайсаб укхан новкъостий,цхьабакъда Малсага-м тар етталуш набаро д1аувзавой а ц1аг1а а коа а долча х1амах са кхувш фе хиннав.Хьаьший тхьайса хургболча хана корах цхьа х1ама чу а теха уйча г1олла 1оведдав цхьа саг.Чехка ара ийккхача Малсага лаьца а лаьца ц1ен даьна т1авигав из.Аьлано аьннад:-"Ер аз вайтавар шох фе вар малаг1а ва хьажа".Из г1улакх а ч1оаг1а лоарх1ам болаш нийсденнад Малсага аьлан хьалхашка. Шорттига чу а вена 1овижав ер новкъосташта ше леладер д1а а ца хайташ.Оаг1ув ца хувцаш са а лаь1а,хьалха г1овттачарца хьаг1еттав Малсаг са белгало ялалехьа.Х1аьший г1айтта ара баьлча метташ хьалдаха а,ц1аг1а лостам бе а чубоаг1ача мехкарашца чуеннай аьлан йо1 а.Малсаг иллача метта юхе кхаьчача цецбаьнна латтийсаб уж.Из мотт х1анз 1обиллача мо хиннаб,хьерча данза кисий а хиннад.Цунца а белгало яьй аьлан йо1о из эздий саг хилар.

© 2007-2009
| Реклама | Ссылки | Партнеры