Тахан г1алг1ашта юкъе нислу 1а сага совг1ата е урс е мукх денначул т1ехьаг1а: «А, мах а ца беш герз совг1ата дала йиш яц, согора мах д1аэца» оалаш. Х1анад из ишта? Уйла яь йий вай цу хаттара? Мичара хьадоаг1аш да из?
Вай к1еззига уйла йича жоп лаха лаха дац!
Хьалха г1алг1ашта юкъе во товш хиннув, корта берзани, юкъ яьстаи, дег1аца герз доацаши вола ма1асаг. Кхалсаг-м хийра ма1анах болча в1алла нийслуш а хиннаяц!
Цун г1улакх ший ц1аг1а ноанал дар да. Уж кхо х1ама кхелета кхийна ваьннача г1алг1ачунгахьа хила дезаш хиннад. Ч1оаг1а мах болаш а, хам беш а леладаьд из г1улакх вай даьша.
Хьалха мишта хиннад аьлча сага шийна совг1ата цу кхаьнех х1ама елча лаьрхх1е маьха х1ама д1алуш хиннай, нагахьа санна из совг1ат даьр да, е даьвоша, е даьда веце. Мел хьамасара вале а доттаг1чунгара а мах ца беш цу кхьаннех х1ама д1а-хьаэцаш хиннадац. Х1ана аьлча, т1ехьаг1а, аз ца елча корта кхаба кий, юкъ ехка т1ехкар, дег1а сий лораде герз хиланзар хьога, аьнна, т1ехтохаргдоацаш хиннад из. Из т1ехтохаш моттиг йоах боккхийча наха наггахьа мара нийса а лацар. Нагахьа санна т1ехтохе а, аз мах а баь ийцаяр хьогара ала йиш хургйолаш беш хиннаб мах.
Х1аьта са хьамсара г1алг1ай из мара кхы бахьан дац шоана урсах мах бар. Кхы из мах ца бича вай дино харц лоарх1аш х1ама а дац. Хийцце шоашта денна совг1ат хьаэца оаша.
Хьарпхой Илез, Радио «Ангушт»
Комментарии
Зарегистрироваться на нашем сайте можно здесь>>«регистрация».
Зайти в свой профиль можно здесь>>«вход».
Обновить пароль на свой «никнейм» можно здесь>>«пароль».